Lecture musicale avec Jürg Gautschi

Jürg Gautschi de Trun nous fait participer à des moments quotidiens dans ses nouvelles humoristiques et charmantes. Lucas Schwarz assurera l’accompagnement musical de la lecture bilingue.

Cunterfem cuntegn historias cuortas, cumparidas ella Chasa Editura Rumantscha. Igl autur, schurnalist e teatrist Jürg Gautschi dat investa el mintgadi partend dad observaziuns, patratgs, sentiments ed inscunters cul mund e cun sesez.

Las historias ein savens legras, magari è pensivas, schregas, ni explosivas dallas dagrettas resentidas, magari ein las historias sco scenas cuortas da teater, monologs interns, anecdotas e tscheu e leu cun tempra da praula. In mosaic divertent, cun ina buna prisa humour, scret en in stil franc, in lungatg direct e dad oz. Ins ha immediat bugen la figura narrativa, perquei ch’ella ei dil tuttafatg in « normalo ». Ils texts cun tetels sco 'Huora Hipschters', 'Helpdesk', 'Per tgei vai atgnamein' laian adina puspei rir da cor ed era seretener in mument per reflectar.

Jürg Gautschi (1963) ei carschius si a Trun. El ha studiau scolast secundar alla Universitad da Fribourg e pedagogia da teater alla ZHdK. El ha luvrau bia onns per SRF sco schurnalist, autur da films documentars e producent dad emissiuns da musica live. Dapi treis onns eis el autur, producent e menader dils Cuntrasts dad RTR. Dasperas eis el autur e teatrist. Regularmein eis el d’udir ell’emissiun « Impuls » dil Radio Rumantsch. El scriva prose cuorta, raquents, texts per la tribuna (Ichbuero, ForzaSurselva, Bling Bling, Fitness – the art of being the best), scenaris da film (Pieder Paul Luziet, seria per RTR) e columnas. Ensemen cun Flurina Badel ha el realisau il toc Ichbuero ed il roadmovie Sindy. Igl onn 2005 ha el retschiert il Premi Term Bel ed il Premi dal public pil text « Odur da caffè ». 2023 eis el staus in dils victurs dalla concurrenza Opennet dils Dis da litteratura da Soloturn.

Lucas Schwarz (1977) ei carschius si a Trun. Suenter il studi da musica alla scola da jazz Sogn Gagl cun rom principal bass electric e pedagogia ha il musicist da profession sunau live cun Michael Patrick Kelly (D), Adrian Stern, Bligg e Florian Ast. Pil label da musica romontsch R-Tunes ha il bassiste luvrau denter auter per Curdin Nicolay, Rezia Ladina Peer, Ladunna e Mi’amia. 2019 ha Lucas Schwarz retschiert il premi da renconuschientscha dil Kantun Grischun. Il musicist lavura actualmein sco scolast da musica alla scolasuperiura Mutschellen (AG).

Réservation
Service de navette de Salaplauna Disentis/Mustér via Curaglia sur inscription ou avec permis de conduire
Réservation par e-mail à info@medelina.ch ou téléphone +41 81 947 40 77

Nus selegrein sin vus – nous nous réjouissons de vous voir !